Արտակարգ իրավիճակների նախարարությունում հյուրընկալել են Երևանի «Արգենտինյան Հանրապետություն» թիվ 76 հիմնական դպրոցի աշակերտներին։ 9-րդ դասարանցիներն այցելել են Ճգնաժամային կառավարման ազգային կենտրոն, նաև ծանոթացել Հոգեբանական աջակցության բաժնում իրականացվող աշխատանքներին։
ՃԿԱԿ-ում ներկայացվել են գործարկվող ծրագրային միջոցները, 911 զանգերի ծառայության աշխատանքի առանձնահատկությունները։
Հոգեբանական աջակցության բաժնում աշակերտները շրջել են արտ-թերապևտիկ, հոգեդիագնոստիկ, հոգեթերապևտիկ, արագ արձագանքման սենյակներում, ծանոթացել ստորաբաժանման գործունեությանը, տեխնիկական հագեցվածությանը, արտակարգ իրավիճակներում արձագանքման մոտեցումներին։
