Ամերիկյան ընկերությունը որոշել է փոխել «էսկիմո» տեսակի պաղպաղակի անվանումը՝ այն վիրավորական համարելով

Ամերիկյան Dreyer’s ընկերությունը որոշել է փոխել ֆիրմային էսկիմո տեսակի պաղպաղակի անվանումը՝ համարելով այն վիրավորական էսկիմոսների համար, տեղեկացնում է The Wall Street Journal-ը։

Ինչպես նշել է ընկերության գլխավոր մարկետոլոգ Էլիզաբել Մարկեսը՝ ընկերությունը «հավատարիմ է ռասայական հավասարության հասնելու գաղափարին, եւ այդ տերմինը ստորացուցիչ է համարում», նկատի ունենալով Eskimo Pie շոկոլադապատ պաղպաղակը։

Պարբերականը տեղեկացնում է, որ Eskimo Pie-ը ստեղծվել է դեռ 1920 թվականին, հեղինակային իրավունքի պատենտ է ստացել 1922-ին։

Dreyer’s-ը գնել է այդ պաղպաղակն արտադրող ընկերությունը 2007-ին։

Էսկիմոսները բնիկ ժողովուրդ են Գրելանդիայում, կանադական Նունավուտայում, Ալյասկայում եւ Չուկոտկայի արեւելյան մասում։