Հունաստանի տրանսպորտի և ենթակառուցվածքների նախարար Կոստաս Կարամանլիսը հրաժարական է տվել գնացքների վթարից հետո՝ ասելով, որ ընդունում է միջադեպի քաղաքական պատասխանատվությունը, հայտնում է «ՌԻԱ Նովոստին»։
Կարամանլիսը ցավակցություն է հայտնել զոհվածների ընտանիքներին հավելելով, որ նման ողբերգությունից հետո անհնար է շարունակել ապրել այնպես, կարծես ոչինչ չի եղել։
Մարտի 1-ի կեսգիշերին Հունաստանում՝ Աթենքի ու Սալոնիկի միջև ընկածի Լարիսա քաղաքից ոչ հեռու գտնվող Տեմպի բնակավայրում բեռնատար և մարդատար գնացքներ են բախվել։
Վերջին տվյալներով` մահացել է 36 մարդ, տուժածների թիվը մոտ 130 է: Նրանցից 72-ը հոսպիտալացվել են։
Վթարի զոհերի մեջ մեծ թիվ են կազմում Սալոնիկի համալսարաններում սովորող ուսանողները։
Հունաստանում եռօրյա սուգ է հայտարարվել։