Հայաստանը Համաշխարհային բանկից 2,9 մլն դոլար դրամաշնորհ կստանա Լեռնային Ղարաբաղից (Արցախ) բռնի տեղահանված դպրոցականներին օգնելու համար։ Տեղեկությունը հայտնում է Համաշխարհային բանկի մամուլի ծառայությունից։
«Միջոցները կուղղվեն հոգեկան առողջության ու բարեկեցության օգնության տրամադրմանը, երեխաների և դեռահասների սոցիալական ինտեգրմանը և կրթության պայմանների բարելավմանը: Մեկ այլ խնդիր է դպրոցի անձնակազմի կարողությունների մոնիտորինգն ու զարգացումը։ Գումարը տրամադրվելու է ավելի քան 200 դպրոցի»,– մասնավորապես նշված է հաղորդագրությունում։
Հիշեցնենք, որ 2023-ի սեպտեմբերի 19-ից հետո Արցախից բռնի տեղահանված ավելի քան 108 հազար մարդկանցից շուր 30 հազարը երեխաներ են, նրանցից շուրջ 22 հազարը՝ դպրոցահասակ։