Նախօրեին Կինոյի տան մեծ դահլիճում կայացավ ՀՀ ազգային հերոս Հովհաննես Չեքիջյանին նվիրված «Եվ եկավ Հովհաննեսը» վավերագրական ֆիլմի պրեմիերան։ Նախագծի հեղինակն ու պրոդյուսերը Լիլիթ Մովսիսյանն է, ռեժիսորը` Հրաչ Սիմոնյանը։
-Հովհաննես Չեքիջյանը ֆենոմեն է մեր իրականության մեջ,- նշել է պրոդյուսերը,- Մեր կողքին ապրող քիչ կենդանի լեգենդներ կան, և կարծում եմ` երիտասարդության՝ նրանց չանդրադառնալը և նրանց հետ չշփվելը, իրենցից չսովորելը մեծ բացթողում է,-հավելել է նա։
Ֆիլմը համապարփակ տեղեկություններ է ներկայացնում մաեստրոյի կյանքի ու ստեղծագործական գործունեության մասին։
Ֆիլմի պրեմիերային ներկա էին արվեստի և սպորտի ոլորտների գործիչներ, մայրաքաղաքի վարչական շրջանների ղեկավարներ: