Հովհաննես Հովհաննիսյանը հինգ տարի ժամկետով վերընտրվեց ԵՊՀ ռեկտորի պաշտոնում։
Այս մասին սոցցանցում հայտնել է ՀՀ պաշտպանության նախարար, ԵՊՀ հոգաբարձուների խորհրդի նախագահ Սուրեն Պապիկյանը։
Հավելենք, որ Հովհաննիսյանն այդ պաշտոնի համար միակ առաջադրվածն էր։
2021թ. օգոստոսի 5-ին Հովհաննիսյանը նշանակվել էր ԵՊՀ ռեկտորի ժամանակավոր պաշտոնակատար՝ փոխարինելով Գեղամ Գևորգյանին։ Ընտրությունները տեղի են ունեցել 2021 թվականի դեկտեմբերի 17-ին։ Կառավարությունը 2021 թվականի դեկտեմբերի 23-ին հաստատեց ընտրությունների արդյունքները։
Մեր տելեգրամյան ալիքը՝ t.me/usanoghnews
