Կյանքից հեռացել է ՀՊՄՀ երկարամյա դասախոս, մանկավարժական գիտությունների թեկնածու, պրոֆեսոր Մկրտիչ Սահրադյանը։
Նա երկար տարիներ դասավանդել է Ինֆորմատիկայի և դրա դասավանդման մեթոդիկայի ամբիոնում, իր ավանդն է ունեցել ամբիոնի կազմավորման գործում, իսկ 1987-2009 թվականներին եղել ամբիոնի վարիչ:
«Մանկավարժական համալսարանի ղեկավարությունն ու պրոֆեսորադասախոսական կազմը ցավակցում է մանկավարժի մահվան կապակցությամբ: Նրա հիշատակը վառ կմնա իր գործընկերների և ուսանողների սրտերում:
Մկրտիչ Սահրադյանի հոգեհանգիստը կկայանա հունվարի 6-ին՝ ժամը 17։30-ից, «Մեմորիա» սգո սրահում (Զովունի գյուղ 1-ին փողոց, 150 շենք)»,-նշված է գրառման մեջ:
