Հ. Թումանյանի ծննդյան 153-րդ ամյակին և Գիրք նվիրելու օրը Հյուսիսային համալսարանի գրադարանը համալրվել է մասնագիտական ու գեղարվեստական ամենատարբեր գրքերով: Այս տարի համալրումը կատարվել է փոքր-ինչ այլ կերպ:
«Ցուցակագրվեցին այն բոլոր գեղարվեստական ու մասնագիտական գրքերը, որոնք տարվա ընթացքում մեծ պահանջարկ են ունեցել ուսանողների կողմից, սակայն գրադարանում առկա չեն եղել: Գնումները կատարվել են ըստ ուսանողների նախասիրությունների: Այնպես որ, սիրելի ընթերցասերներ, հենց երկուշաբթի օրը գրադարանից կարող եք ձեռք բերել ձեզ այդքան հետաքրքրող գրքերը: Շնորհակալ ենք բոլոր նվիրատուներին՝ ուշադրության և հոգածու վերաբերմունքի համար»,-նշված է բուհի ֆեյսբուքյան էջում:
Փետրվարի 19-ին ամփոփվել է նաև տարվա «Լավագույն ընթերցող ուսանող» մրցույթը: Գրադարանավարուհի Աննա Սահակյանը ներկայացրել է մրցույթում հաղթած ուսանողներին և նրանց հանձնել նվեր գրքերը: 2021-2022 ուստարվա լավագույն ընթերցող ուսանողներն են՝
1. Ավալյան Կարինե (տարրական մանկավարժություն, հեռակա մագիստրատուրա, 2-րդ կուրս):
2. Վարդանյան Նաիրա (իրավագիտության ֆակուլտետ, հեռակա ուսուցում, 4-րդ կուրս):
3.Հովհաննիսյան Արմինե (հոգեբանություն 4-րդ կուրս, առկա ուսուցում):
4.Մարգարյան Մարիամ (իրավագիտության ֆակուլտետ, առկա ուսուցում, 3-րդ կուրս):
5.Հովսեփյան Սիրուշ (տարրական մանկավարժություն, առկա ուսուցում, 3-րդ կուրս):
6.Խաչատրյան Արթուր (տնտեսագիտության ֆակուլտետ, առկա ուսուցում, 3-րդ կուրս):