«ԼՂՀ Կամավոր ֆիզկուլտուրայի մարզական կենտրոն» հասարակական կազմակերպության մանկապատանեկան մարզադպրոցի թենիսի միակ մարզադահլիճը վերանորոգման կարիք ունի:
Այս մասին «Արցախպրեսի» հետ զրույցում ասել է մարզադպրոցի տնօրեն Էրիկ Գալստյանը՝ մանրամասնելով, որ մարզադահլիճը վերջին անգամ կապիտալ վերանորոգվել է ենթարկվել 2009 թվականին։
«Շենքը կեսը գտնվում է հողի տակ։ Տեղումների ժամանակ հողի խոնավությունը փոխանցվում է պատերին, ինչի հետևանքով շենքային պայմաններն անմխիթար վիճակում են։ Մինչև 44-օրյա պատերազմը, ԿԳՄՍ նախարարի մարզադպրոց այցելելուց հետո, որոշվեց պետական միջոցներով կոսմետիկ վերանորոգում իրականացնել, սակայն պատերազմի հետևանքով այն չիրականացավ»,-ներկայացրել է մեր զրուցակիցը՝ ավելացնելով, որ տարվա ցանկացած եղանակի շենքում խոնավ է, և օրական մի քանի անգամ տաքացուցիչով փորձում են փոքր-ինչ չեզոքացնել խոնավությունը:
Ըստ տնօրենի՝ մարզադպրոցը վերջին անգամ համապատասխան գույք ստացել է չորս տարի առաջ, որը ներկայում խոնավության պատճառով նույնպես ոչ բարվոք վիճակում է գտնվում։
Ամբողջությամբ՝ սկզբնաղբյուր կայքում։
