Հայոց ցեղասպանության զոհերի հիշատակի օրը՝ ապրիլի 24-ին, ծաղկի առևտուրը բացառապես կիրականացվի Հալաբյան-Լենինգրադյան փողոցների հատումն ապահովող ստորգետնյա հանգույցում և Հալաբյան փողոցում:
Ինչպես նշում է «Արմենպրեսը»՝ այդ մասին Երևանի քաղաքապետարանում կայացած գործակարգավարական խորհրդակցության ժամանակ ասել է քաղաքապետի խորհրդական Կամո Արեյանը: «Այլ տեղ կատեգորիկ արգելվում է ծաղկի վաճառքը»,-ասաց նա:
Տրանսպորտի վարչությունը Բրազիլիայի հրապարակից այդ օրը կապահովի բնակչության տեղափոխումը, իսկ մետրոպոլիտենը կաշխատի մինչ ժամը 01:00-ն:
