Արմեն Վարդանյանը դարձել է Եվրոպայի մինչև 10 տարեկան պատանիների կայծակնային շախմատի չեմպիոն, հայտնում են Հայաստանի շախմատի ֆեդերացիայից։
Արմենը 18 հնարավորից վաստակել է 14 միավոր և մեկ ու կես միավորով առաջ անցել երկրորդ տեղը զբաղեցրած մասնակցից։
Իսկ Մանվել Առաքելյանը դարձել է Եվրոպայի մինչև 14 տարեկան պատանիների կայծակնային շախմատի առաջնության փոխչեմպիոն:
Մանվելը 18 հնարավորից վաստակել է 14 միավոր և կիսել է 1-3-րդ հորիզոնականները՝ լրացուցիչ ցուցանիշներով զբաղեցնելով 2-րդ հորիզոնականը։
Հիշեցնենք, որ Մանվելն ավելի վաղ դարձել էր Եվրոպայի մինչև 14 տարեկան պատանիների արագ շախմատի առաջնության բրոնզե մեդալակիր, իսկ Վաչե Հովակիմյանը՝Եվրոպայի մինչև 16 տարեկան պատանիների արագ շախմատի չեմպիոն։
Մեր տելեգրամյան ալիքը՝ t.me/usanoghnews
