Հայկական արտադրության պահածոները, հանքային ջուրը եւ ալկոհոլը հանվել են «Տվոյ դոմ» առեւտրի կենտրոնների ցանցերից, PБK-ին հայտնել է Ռուսաստանում ՀՀ դեսպան Վարդան Տողանյանը:
«Առավոտից մեզ դիմում են խոշոր հայ արտահանողները, նրանք պատմել են, որ հայկական արտադրության բոլոր ապրանքները հանվել են «Տվոյ դոմ» առեւտրի կենտրոնների ցանցից, որը պատկանում է Արազ Աղալարովին եւ այլոց հարեւան երկրից»,- ասել է նա:
Խոսքը պահածոների, ինչպես նաեւ հանքային ջրի եւ ալկոհոլի մասին է: «Ընդ որում, բոլոր խանութները լցվել են Ադրբեջանում արտադրված ապրանքներով: Սա արդեն սադրանք է, որն ուղղված է Ռուսաստանում առեւտրի կետերը «Մեծ Լեռնային Ղարաբաղի» վերածելուն, ինչը հղի է վտանգավոր հետեւանքներով: Մեր տրամադրության տակ են հայկական ընկերությունների եւ դիլերների էլեկտրոնային նամակագրությունները առեւտրի կենտրոնի մենեջերների հետ: Նրանք բացահայտորեն վկայակոչում են ղեկավարության ցուցումները, խոսում են Հայաստանում արտադրված ապրանքների ընդունման կասեցման մասին: Սա փաստ է: Ես այս մասին տեղեկացրել եմ համապատասխան գերատեսչություններին»,- ասել է Տողանյանը:
«Տվոյ դոմ» հիպերմարկետների ցանցի սեփականատերը «Կրոկուս գրուպ»-ն է։
Comment here
Դուք պետք է մուտք գործեք՝ մեկնաբանությունը ուղարկելու համար։