Հանրապետական ընդունող հանձնաժողովը հրապարակել է 2020-2021 ուսումնական տարվա առկա բակալավրիատի անվճար և վճարովի ուսուցմամբ դիմորդների մրցութային արդյունքները:
Հայաստանի պետական մանկավարժական համալսարանի 41 մասնագիտությունների գծով ընդունվածների ցանկին կարող եք ծանոթանալ այստեղ՝ միասնական, ներբուհական։
www.aspu.am-ից տեղեկանում ենք, որ բուհերում մասնագիտությունների թափուր տեղերի առկայության դեպքում, ընդունելության քննությունից դրական միավոր (7,5 միավորից սկսած) ստացած, սակայն մրցույթից դուրս մնացած դիմորդները կարող են մասնակցել թափուր տեղերի մրցույթին:
Թափուր տեղերի մրցույթին մասնակցելու համար դիմորդները մասնագիտությունների նշումով նոր դիմում-հայտը ԳԹԿ են ուղարկում էլեկտրոնային (առցանց) եղանակով հուլիսի 20-ից մինչև հուլիսի 22-ը, ժամը 18.00-ը: Դիմում-հայտերը պետք է լրացնել www.dimord.am կայքում:
Դիմորդները ընդունելության դիմում-հայտում իրենց ընտրությամբ և ցանկացած հաջորդականությամբ հայտագրում են թափուր տեղեր ունեցող մասնագիտությունները՝ ըստ ուսուցման անվճար և վճարովի համակարգերի:
Հանրապետական ընդունող հանձնաժողովը բուհերում լրացուցիչ փուլի մրցույթի արդյունքները հաստատում է հուլիսի 25-ին:
Ընդունելության վերաբերյալ այլ մանրամասների համար կարող եք զանգահարել 010 59 70 69՝ Մանկավարժական համալսարանի Ընդունող հանձնաժողով։
Comment here
Դուք պետք է մուտք գործեք՝ մեկնաբանությունը ուղարկելու համար։