Կյանքի 73-րդ տարում կյանքից հեռացել է ՀՊՄՀ Երաժշտության ամբիոնի դոցենտ Սարգիս Գայիջյանը, հայտնում են ՀՊՄՀ-ից։
Սարգիս Գայիջյանը 1977-1991թթ․ ՀՊՄՀ-ի կուլտուրայի ֆակուլտետի դեկանի տեղակալն էր ՝ ուսումնական աշխատանքների գծով, իսկ 1975 թվից մինչ օրս՝ ՀՊՄՀ-ի կուլտուրայի ֆակուլտետի երաժշտության ամբիոնի դասախոս, դոցենտ։
«Իր գիտամանկավարժական ողջ գործունեությունը նա անմնացորդ նվիրումով իրականացրել մանկավարժական մայր բուհում, կրթել և դաստիարակել երաժիշտ-մանկավարժների տասնյակ սերունդներ՝ փոխանցելով դիրիժորության և գործիքավորման վերաբերյալ գիտելիքներ։ Սարգիս Գայիջյանը վայելում էր ուսանողների և գործընկերների սերն ու հարգանքը:
Մանկավարժական համալսարանը ցավակցում է Սարգիս Գայիջյանի ընտանիքին: Վաստակաշատ մանկավարժի հիշատակը վառ կմնա իր գործընկերների և ուսանողների սրտերում»,-նշված է հաղորդագրության մեջ:
