ԵՊՀ-ում մեկնարկել է ՄՄՈւՀ-ների շրջանավարտների ընդունելության հայտերի ներկայացման գործընթացը

ԵՊՀ-ում մեկնարկել է ՄՄՈւՀ-ների շրջանավարտների ընդունելության դիմում-հայտերն առցանց ներկայացնելու գործընթացը։

ՄՄՈՒՀ-ի (միջին մասնագիտական ուսումնական հաստատություն) շրջանավարտների 2021-2022 ուսումնական տարվա ԵՊՀ ընդունելության դիմում-հայտերն ընդունվելու են հունիսի 28-ից մինչև օգոստոսի 30-ը ներառյալ, առցանց տարբերակով:

Դիմորդներն իրենց դիմում-հայտերը կարող են ուղարկել eduorg@ysu.am էլեկտրոնային հասցեին:

Համաձայն ՀՀ կառավարության 2020 թ․մայիսի 27-ի N856-Ն որոշման՝ դիմում-հայտը կարող են լրացնել միայն «Գերազանց» և/կամ «Լավ» գնահատական ունեցող շրջանավարտները։ Դիմում-հայտին անհրաժեշտ է կցել հետևյալ փաստաթղթերը (սքանավորված)՝

• դիպլոմը և դիպլոմի միջուկը (միջուկը սքանավորվում է երկու կողմից),

• անձնագիր կամ նույնականացման քարտ,

• կցագրման վկայական կամ զինվորական գրքույկ:

Նշենք, որ դիմորդին չի թույլատրվում ներկայացնել մեկից ավելի դիմում-հայտ:

Կից ներկայացնում ենք ԵՊՀ 2021-2022 ուստարվա ուսման վարձավճարների չափերը՝ ըստ մասնագիտությունների, ինչպես նաև միջին մասնագիտական կրթական ծրագիր իրականացնող պետական ուսումնական հաստատությունների, միջին մասնագիտական կրթության մասնագիտությունների և տեղերի ցանկը:

Հարցերի դեպքում կարող եք զանգահարել 077-33-70-69 հեռախոսահամարով յուրաքանչյուր աշխատանքային օր՝ ժամը 13:00-ից մինչև 16:00-ն։