Շիրակի մարզի 6 դպրոց չունի առաջին դասարանցի: Այս մասին «Արմենպրես»-ին տեղեկացրեց Շիրակի մարզպետարանի կրթության, մշակույթի ու սպորտի վարչության պետ Հրայր Կարապետյանը: Այս ուսումնական տարում առաջին դասարանցիներ չունեն Զարիշատ, Շաղիկ, Լեռնուտ, Նոր Ախուրյան, Հայկասար ու Կաքավասար համայքները:
Ընդհանուր առմամբ, այս տարի, Շիրակի մարզի 146 դպրոց ունի 3075 առաջին դասարանցի: Մարզի կրթության վարչության պետի տեղեկացմամբ, ուսումնական առաջին օրը բացականեր քիչ են եղել:
Բոլոր դպրոցներում դասապրոցեսը սկսվել է պահանջին համապատասխան՝ դիմակներով, ջերմաչափումով, սոցիալական հեռավորությունը պահելով ու առանց ծնողների ուղեկցության:
Comment here
Դուք պետք է մուտք գործեք՝ մեկնաբանությունը ուղարկելու համար։