Պոլիտեխնիկցի Էդգարը «Արցախի հերոս» է, պարգևատրվել է «Ոսկե արծիվ» շքանշանով

Հոկտեմբերի 4-ին, Արցախի Հանրապետության նախագահի հրամանագրով, «Արցախի հերոս» բարձրագույն կոչման է արժանացել Հայաստանի ազգային պոլիտեխնիկական համալսարանի Տեղեկատվական և հաղորդակցական տեխնոլոգիաների ու էլեկտրոնիկայի ինստիտուտի բակալավրի շրջանավարտ, մագիստրատուրայի «Էլեկտրոնիկա» մասնագիտության ՄՏՏ 918 խմբի ուսանող, պոլիտեխնիկցի զինծառայող Էդգար Էդվարդի Մարկոսյանը, տեղեկացնում են բուհի լրատվականից։

 «Է․Մարկոսյանը Թալիշի ուղղությամբ խոցել է 10 տանկ՝ ամուր պահելով իրեն վստահված հատվածը»,-այս մասին ուղիղ եթերում ասաց Արցախի Հանրապետության նախագահ Արայիկ Հարությունյանը։