Ալբանիայում ընթացող երիտասարդների ու Մ23 տարեկանների Եվրոպայի առաջնության 57 կգ կանանց պայքարում Հայաստանի հավաքականի անդամ Ալեքսանդրա Գրիգորյանը պոկում վարժությունում գլխավերևում պահեց 85 կգ ու 90 կգ, հայտնում են ԿԳՄՍՆ-ից:
Այս վարժությունում նա դարձավ ոսկե մեդալակիր:
Գրիգորյանն առաջինն էր նաև հրում վարժությունում՝ 106 կգ, 109 կգ ու 112 կգ արդյունքով:
Երկամարտի 202 կգ արդյունքով Ալեքսանդրա Գրիգորյանը կրկին ոսկե մեդալ է նվաճել Եվրոպայի առաջնությունում:
Հիշեցնենք, որ Ալեքսանդրան Մ23 տարեկանների Եվրոպայի չեմպիոն էր դարձել նաև 2025 թվականին, իսկ 2026-ին դարձել էր Եվրոպայի մեծահասակների առաջնության փոխչեմպիոն։
Եվրոպայի երիտասարդների և Մ23 առաջնությունը ընթանում է Ալբանիայի Դուրես քաղաքում հոկտեմբերի 12-ից 19-ը: Մրցաշարին մասնակցում են 39 երկրների շուրջ 390 մարզիկներ:
