Ինդիանապոլիսում (ԱՄՆ, Ինդիանա նահանգ) առնվազն մեկ մարդ սպանվել է, եւս 3-ը՝ հրազենային վիրավորում ստացել բողոքի ակցիաների ժամանակ, տեղեկացնում է ՏԱՍՍ-ը՝ հղում անելով CNN հեռուստաընկերությանը։
Մեկ իրավապահ թեթեւ վնասվածքներ է ստացել։
Հիշեցնենք, որ ԱՄՆ բազմաթիվ քաղաքներում անկարգությունների վերաճած բողոքի ակցիաներ են սկսվել Մինեապոլիսում (Մինեսոտա նահանգ) աֆրոամերիկացի 46-ամյա Ջորջ Ֆլոյդի ձերբակալությունից եւ մահվանից հետո։
Բազմաթիվ տեղերում ոստիկանությունը ռետինե փամփուշտներ եւ արցունքաբեր գազ է կիրառում, բերման են ենթարկվել հարյուրավոր մարդիկ։
ԱՄՆ 25 խոշոր քաղաքներում, այդ թվում՝ Մինեապոլիսում, Լոս Անջելեսում, Բեվերլի Հիլզում, Դենվերում, Մայամիում, Ատլանտայում, Չիկագոյում, պարետային ժամ է մտցվել։
Comment here
Դուք պետք է մուտք գործեք՝ մեկնաբանությունը ուղարկելու համար։