ԱՄՆ-ում ուսանողական վիզաներով բնակվող ներգաղթյալներին կարող է արտաքսում սպառնալ, քանի որ նոր կառավարությունն ակտիվացնում է երկրում ապօրինի ներգաղթյալների թիվը կրճատելու ջանքերը:
Հարցազրույցում ԱՄՆ փոխնախագահ Ջեյ Դի Վենսը նշել է, որ արտաքսվածների թիվը, ինչպես սպասվում է, կաճի, քանի որ զանգվածային արտաքսումները կշարունակվեն և կարող են ազդել ուսումնական վիզա ստացող ներգաղթյալների վրա, որոնց մնալը չի բխում ԱՄՆ շահերից, հաղորդում է VisaGuideWorld-ը։
Ներկայացուցիչների պալատի հանրապետականները նաև ուսումնասիրում են հատկապես Չինաստանի քաղաքացիների մուտքը ԱՄՆ բարդացնելու հնարավորությունները, քանի որ նոր օրինագիծը նպատակ ունի արգելել այս ազգային խմբին ուսանողական վիզաներ ստանալ:
Ըստ FoxNews-ի, օրինագիծը, որի նպատակն է արգելել Չինաստանի քաղաքացիներին ուսանողական վիզաներ ստանալ, դեռ տարածվում է համահեղինակների շրջանում:
Ի դեպ, Չինաստանից ԱՄՆ ուսանողական վիզաներով այցելողների թիվը տարեկան հասնում է գրեթե 300 000-ի։
Ազգային անվտանգությունը պաշտպանելուց բացի, Ջեյ Դի Վենսը նաև մեղադրում է միջազգային ուսանողներին լավագույն համալսարաններում տեղեր զբաղեցնելու մեջ՝ ի հաշիվ ամերիկացի երիտասարդների։
Ըստ ԱՄՆ փոխնախագահի, նրանցից շատերն ամբողջությամբ վճարում են ուսման վարձը առանց ֆինանսական օգնության, ինչը նշանակում է, որ նրանք գրավում են «ամերիկացի միջին խավի երեխաների տեղը, ովքեր կրթություն չեն ստանում», որովհետև այդ տեղը զբաղեցրել է ինչ-որ չինացի օլիգարխ, ով տարեկան 100 000 դոլար է վճարում։
Մեր տելեգրամյան ալիքը՝ t.me/usanoghnews
