Շատ կարևոր է պարզապես չհանձնվել. Սթիվեն Հոքինգ

Ներկայացնում ենք անգլիացի ֆիզիկոս-տեսաբան, տիեզերաբան, աստղաֆիզիկոս և գրող Սթիվեն Հոքինգի մտքերից։

***

Ես գաղափար չունեմ, թե որքան է իմ IQ-ն: Նրանք, ովքեր հետաքրքրված են իրենց ցուցանիշով, պարզապես անհաջողակներ են։

Միգուցե ես ինչ-որ բանում վատ չեմ: Բայց ես Էյնշտեյնը չեմ:

Իմ նպատակը շատ պարզ է: Ես ուզում եմ հասկանալ տիեզերքը՝ ինչո՞ւ է այն կառուցված այնպես, ինչպես կա, և ինչու ենք մենք այստեղ:

Հավասարումները մաթեմատիկայի ամենաձանձրալի մասն են: Ես փորձում եմ իրերը նայել երկրաչափության տեսանկյունից:

Մենք պարզապես կապիկների զարգացած հետնորդներ ենք մի փոքրիկ մոլորակի վրա՝ ոչնչով աչքի չընկնող մի աստղով։ Բայց մենք հնարավորություն ունենք հասկանալու տիեզերքը: Ու դա մեզ առանձնահատուկ է դարձնում:

Մենք չպետք է զարմանանք, որ տիեզերքի կառուցվածքը հարմար է կյանքի համար, քանի որ դա ապացույց չէ այն բանի, որ տիեզերքը նախատեսված էր կյանքի համար:

Գիտելիքի հիմնական թշնամին տգիտությունը չէ, այլ գիտելիքի պատրանքը:

Իմ ամբողջ կյանքում ես զարմանում էի այն հիմնական հարցերի վրա, որոնց մենք անընդհատ բախվում ենք և փորձում էի գիտական պատասխան գտնել դրանց համար: Գուցե դա է պատճառը, որ ես ավելի շատ գրքեր եմ վաճառել ֆիզիկայի մասին, քան Մադոննան՝ սեքսի մասին:

Որտեղ կյանք կա, հույս էլ կա:

Եթե ես ուզում էլ եմ ինչ-որ տեղ գնալ, ապա այս վայրը հաստատ ոչ թե Երկրի վրա է, այլ տիեզերքում: Եթե ես լինեի Բիլ Գեյթսի նման մեկը, ես տիեզերանավ կվարձեի: Դա կարժենա ընդամենը մի քանի հարյուր միլիոն դոլար:

Համոզված եմ, որ գիտությունն ու հետազոտական գործունեությունը ավելի շատ հաճույք են պատճառում, քան փող աշխատելը:

Իմ իրական երազանքն է գրել այնպիսի գիրք, որը կվաճառվի օդանավակայանի կրպակներում: Բայց դրա համար, կարծես, հրատարակիչը պետք է շապիկի վրա մերկ կնոջ նկար դնի։

Թերևս ես հավատում եմ Աստծուն, Աստված ասելով նկատի ունեմ այն ուժերի մարմնավորումը, որոնք ղեկավարում են տիեզերքը:

Էյնշտեյնը երբեք չի ընդունել քվանտային մեխանիկան՝ դրան բնորոշ պատահականության և անկայունության պատճառով: Նա ասում էր. «Աստված զառախաղ չի խաղում»: Նա երկու անգամ սխալվեց: Սև անցքերի առկայությունն ապացուցում է, որ Տերը ոչ միայն զառախաղ է խաղում, այլև նետում է դրանք այնտեղ, որտեղ ոչ ոք չի կարող տեսնել դրանք:

Գիտաֆանտաստիկան կարող է օգտակար լինել. այն խթանում է երևակայությունը և վերացնում ապագայի հանդեպ վախը: Այնուամենայնիվ, գիտական փաստերը կարող են շատ ավելի ցնցող լինել: Գիտական ֆանտաստիկան նույնիսկ չէր ենթադրում այնպիսի բաների առկայություն, ինչպիսիք են Սև անցքերը:

Ոչ ոք չի կարող վիճել մաթեմատիկական թեորեմի հետ:

Ես վստահ չեմ, որ մարդկային ցեղը կապրի առնվազն ևս հազար տարի, եթե չկարողանա գտնել տիեզերք դուրս գալու հնարավորություն: Կան բազմաթիվ սցենարներ, թե ինչպես կարող են մահանալ բոլոր կենդանի էակները փոքր մոլորակի վրա։ Բայց ես լավատես եմ. մենք հաստատ կհասնենք աստղերին:

Ես նկատել եմ, որ նույնիսկ այն մարդիկ, ովքեր պնդում են, որ ամեն ինչ կանխորոշված է, և որ դրա դեմ ոչինչ հնարավոր չէ անել, ճանապարհ անցնելուց առաջ նայում են շուրջը:

Ինտերնետում թափառելը նույնքան անուղեղ գաղափար է, որքան հեռուստաալիքները անընդհատ փոխելը:

Կյանքը շատ ողբերգական կլիներ, եթե այդքան զվարճալի չլիներ:

Շատ կարևոր է պարզապես չհանձնվել:

Մեր տելեգրամյան ալիքը՝ t.me/usanoghnews