ByteDance-ի նոր AI մոդելը՝ OmniHuman-1-ը, կարող է իրատեսական տեսահոլովակներ ստեղծել անգամ եթե դեմքը նկարված է կողքից, տեղեկանում ենք «Գիտություն և տեխնոլոգիա» ֆեյսբուքյան էջից։
Սա նշանակալի առաջընթաց է, քանի որ նախկին մոդելները հիմնականում լավ արդյունք էին տալիս միայն պորտրերտային (ճակատային) նկարների դեպքում:
Ավելին, այս մոդելը կարող է վերահսկել դեմքի արտահայտությունը և ժեստերը՝ հետեւելով ձայնին ու տեքստին։
Այս հնարավորությունը թույլ է տալիս ստեղծել բնական թվացող տեսանյութեր, որտեղ մարդու արտահայտությունները և շարժումները համապատասխանում են խոսքին և հուզական տոնայնությանը:
OmniHuman-1-ը ցույց է տալիս, թե ինչպես են արհեստական բանականության տեխնոլոգիաները արագորեն զարգանում՝ հատկապես տեսանյութերի սինթեզի ոլորտում: Այս տեխնոլոգիան կարող է հեղափոխության ենթարկել կինոարտադրությունը, թվային բովանդակության ստեղծումը և հեռահաղորդակցության ոլորտները՝ նվազեցնելով արտադրական ծախսերը և ընդլայնելով ստեղծագործական հնարավորությունները:
