ԱրՊՀ ուսանողական վրանային ճամբար՝ Պատարայի տարածքում. շտապեք գրանցվել

Սիրելի՛ ուսանողներ, շտապեք, ԱրՊՀ ամառային դպրոց-ճամբարին մնացին հաշված օրեր։ Ճամբարին մասնակցելու հրավերներ են ուղարկվել նաև ԱրՊՀ գործընկեր ՀՀ բուհերին, տեղեկացնում են Արցախի պետական համալսարանից։

Դիմում-հայտերի ընդունման ժամկետները երկարաձգվել են մինչև հուլիսի 28-ը։ Հավելյալ հարցերի համար կարող եք զանգահարել ԱրՊՀ ուսանողական խորհրդի նախագահ Արա Սարգսյանին 097 30 04 32 հեռախոսահամարով:

ԱրՊՀ ուսանողական միջազգային ամառային վրանային ճամբարը տեղի կունենա օգոստոսի 1-ից 10-ը Պատարայի տարածքում:

Ճամբարի մասնակիցները հնարավորություն կունենան մասնակցելու նաև պաշտոնական հանդիպումների, հրատապ թեմաներով դասախոսությունների, բանավեճերի ու քննարկումների, ճանաչողական արշավների, էքսկուրսիաների, մարզական և մշակութային ծրագրերի:

Անհրաժեշտ փաստաթղթերն են՝ ուսանողական տոմսի պատճեն, անձնագիր (անձնագրի պատճեն)։