Բրյուսովի պետական համալսարանը (ԲՊՀ) տեղեկացնում է, որ մինչև 2020թ. օգոստոսի 25-ը ներառյալ (ԲՊՀ) 2020-2021 ուս. տարում սովորելու համար դիմած անվճար առկա ուսուցմամբ բակալավրի կրթական ծրագրով սփյուռքահայ դիմորդների, ինչպես նաև մինչ այս պահը ընդունելության դիմում ներկայացրած օտարերկրյա և սփյուռքահայ դիմորդների գիտելիքների ստուգումը տեղի կունենա 2020թ. սեպտեմբերի 10-ին՝ ժամը 11:30-ին, ԲՊՀ նիստերի փոքր դահլիճում (Թումանյան 42, 2-րդ հարկ):
Գիտելիքների ստուգումը կիրականացվի բանավոր կարգով:
«Դիմորդները պետք է ներկայացնեն ԿԳՄՍ նախարարություն էլեկտրոնային հասցեին նախապես ուղարկված փաստաթղթերի բնօրինակները:
Հաշվի առնելով նոր տիպի կորոնավիրուսով (COVID-19) պայմանավորված համաճարակային իրավիճակը՝ խնդրում ենք բոլոր դիմորդներին ներկայանալ դիմակներով՝ խստիվ պահպանելով սահմանված հակահամաճարակային նորմերը:
Այն դիմորդները, ովքեր չեն կարողանա անձամբ ներկայանալ գիտելիքների ստուգմանը նշված օրը, նրանց համար կառաջարկվի հեռավար տարբերակ կամ կտրամադրվի այլ հնարավորություն:
Լրացուցիչ տեղեկությունների համար կարող եք դիմել ԲՊՀ արտաքին կապերի և միջազգային համագործակցության վարչություն:
Դիմորդների ցուցակին կարող եք ծանոթանալ հղումով»:
Comment here
Դուք պետք է մուտք գործեք՝ մեկնաբանությունը ուղարկելու համար։