Մրցաշարն անցկացվել Է Հունաստանում սեպտեմբերի 30-ից հոկտեմբերի 1-ը։
Հունաստանի Ամինդեոն քաղաքում սեպտեմբերի 30-ից հոկտեմբերի 1-ն անցկացված ձյուդոյի պատանիների միջազգային մրցաշարում Հայաստանի ներկայացուցիչները նվաճել են յոթ մեդալ, հայտնում են Հայաստանի ձյուդոյի ֆեդերացիայից:
Մրցաշարում միակ ոսկե մեդալը նվաճել է Գառնիկ Հմայակյանը: Ավետ Շահինյանը և Ժորա Գևորգյանը դարձել են արծաթե մեդալակիրներ։ Մրցաշարի բրոնզե մեդալակիրներ են դարձել պատանի ձյուդոյիստներ Պետրոս Մարկոսյանը, Տիգրան Սարկիսյանը, Արամ Ասատրյանը և Արմեն Մաթևոսյանը: Արման Խեչոյանն ու Լևոն Գիլոյանն էլ գրավել են 5-րդ տեղը։