Ուսանողները մերկ ֆոտոսեսիա են անցկացրել՝ բարեգործական նպատակով

Էդինբուրգի համալսարանի անասնաբուժական հետազոտությունների դպրոցի (Dick Vet) ուսանողները մերկ լուսանկարվել են՝ 2020 թվականի բարեգործական օրացույցի համար, տեղեկացնում է The Sun պարբերականը։

Լուսանկարչական նախագծում, որի հեղինակը ուսանողուհի Յարա Մրջան է, մասնակցել է գրեթե 100 ուսանող։ Նրանք լուսանկարվել են կովերի, հյուսիսային եղջերուների, ձիերի, հավերի եւ կատուների հետ։

Օրացույցը վաճառվում է 12 ֆունտ ստեռլինգով։ Բոլոր միջոցները տրամադրվելու են Շոտլանդիայի մայրաքաղաք Էդինբուրգում գործող All4Paws անասնաբուժական կլինիկային, որտեղ անվճար բուժվում են անապահով խավի մարդկանց ընտանի կենդանիները։