ԵՊՀ շարունակական կրթության կենտրոնի տնօրեն է նշանակվել Լուսինե Խառատյանը։
Այս մասին տեղեկացնում է ԵՊՀ մամուլի խոսնակ,Հանրային կապերի և մարքեթինգի վարչության պետ Ազնիվ Գրիգորյանը։
Լ. Խառատյանը 1999թ. ավարտել է ԵՊՀ պատմության ֆակուլտետը։ 2000թ. ուսանել է Կահիրեի դեմոգրաֆիական կենտրոնում, 2002-2004թթ.՝ ԱՄՆ Մինեսոտայի համալսարանում՝ ստանալով մագիստրոսի աստիճան։
2012-2018թթ. ղեկավարել է Գերմանիայի ժողովրդական բարձրագույն դպրոցների միջազգային համագործակցության ինստիտուտի հայաստանյան գրասենյակը:
Եղել է Երևանի Վ. Բրյուսովի անվան պետական լեզվահասարակագիտական համալսարանի՝ ՅՈՒՆԵՍԿՕ-ի կրթության կառավարման և պլանավորման ամբիոնի դասախոս։ 2018թ.-ից ՀՀ ԳԱԱ հնագիտության և ազգագրության ինստիտուտի գիտաշխատող է։