Իտալիան՝ Եվրոպայի չեմպիոն

Ֆուտբոլի Եվրոպայի առաջնության եզրափակիչում Լոնդոնի «Ուեմբլի» մարզադաշտում ուժերը չափեցին Անգլիայի ու Իտալիայի հավաքականները։

Առաջին խաղակեսի մեկնարկին Լյուկ Շոուն խփեց Եվրոպայի առաջնությունների եզրափակիչների պատմության ամենաարագ գոլը՝ Իտալիայի դարպասը գրավելով հանդիպման 117-րդ վայրկյանին:

Նախորդ ամենաարագ գոլը գրանցվել էր 1964 թվականին, երբ իսպանացի հարձակվող Չուս Պերեդան գրավեց ԽՍՀՄ հավաքականի դարպասը 5:04 րոպեին:

Առաջին խաղակեսն ավարտվեց 1-0 հաշվով։

67-րդ րոպեին իտալացի Լեոնարդո Բոնուչին անկյունայինից հետո հավասարեցրեց խաղի հաշիվը՝ 1-1:

Խաղի հիմնական ժամանակն այդ հաշվով էլ ավարտվեց, լրացուցիչ ժամանակում գոլ չգրանցվեց։

Պատմության մեջ երկրորդ անգամ Եվրոպայի չեմպիոնը որոշվեց 11-մետրանոց հարվածաշարով, որն ավելի անվրեպ իրացրեցին իտալացիները (3-2)։

Ի դեպ, սա արդեն 4-րդ եզրափակիչն էր նրանց համար: Երկու անգամ` 2000 և 2012 թվականներին Իտալիան ձախողվել է, իսկ 1968 թվականին դարձել է չեմպիոն: