Երեկ Լոս Անջելեսում տեղի է ունեցել «Գրեմմի» մրցանակաբաշխության 68-րդ արարողությունը, որի ժամանակ Ձայնագրման ակադեմիան հայտարարել է 2026 թվականի հաղթողներին:
Այս տարի միջոցառումն ավելի քաղաքականացված էր. շատ հաղթողներ և հյուրեր դժգոհություն են հայտնել ամերիկյան ներգաղթային ոստիկանությունից (ICE), որոնց գործողությունների հետևանքով վերջին շաբաթներին Մինեսոտայում 2 ցուցարար է սպանվել։
Մրցանակակիրների թվում են ռեփեր Քենդրիկ Լամարը, որը հաղթեց հինգ անվանակարգում, ինչպես նաև երգչուհիներ Բիլլի Այլիշը և Լեդի Գագան։
Ամերիկահայ երգչուհի Շերը (Շերիլին Սարգսյան) ստացել է «Կարիերայում ձեռքբերումների համար» (Lifetime Achievement Award) մրցանակը։
Պուերտոռիկացի ռեփեր Բեդ Բաննին հաղթող է ճանաչվել ամենահեղինակավոր՝ «Տարվա ալբոմ» անվանակարգում։ Նա «Գրեմմի»-ի է արժանացել «Debi Tirar Mas Fotos» ալբոմի համար, որը լատինաամերիկյան հայտնի ռեգետոն ոճում է։ Սա «Գրեմմի»-ի պատմության մեջ առաջին դեպքն է, երբ ամբողջությամբ իսպաներենով կատարված ալբոմը արժանանում է գլխավոր մրցանակին։
Հիմնական անվանակարգ
- Տարվա ալբոմ ՝ Bad Bunny- «Debí Tirar Más Fotos»
- Տարվա երգ՝ Բիլլի Այլիշ- «Wildflower»
- Տարվա ձայնագրություն՝ «Luther» — Kendrick Lamar & SZA
- Լավագույն նոր կատարող՝ Օլիվիա Դին
- Տարվա պրոդյուսեր (ոչ դասական երաժշտություն)՝ Cirkut
- Տարվա երգերի հեղինակ (ոչ դասական երաժշտություն)՝ Էմի Ալեն
Ամբողջական ցանկը՝ այստեղ։
Մեր տելեգրամյան ալիքը՝ t.me/usanoghnews
