Հայտնի են Գրքի երևանյան միջազգային վեցերորդ փառատոնի գրական մրցույթի հաղթող մասնակիցների անունները, տեղեկանում ենք փառատոնի ֆեյսբուքյան էջից։
• «Դրամատուրգիա» անվանակարգ — Սամվել Կոսյան
• «Մանկապատանեկան գրականություն» անվանակարգ — Ալիս Հովհաննիսյան
• «Պոեզիա» անվանակարգ — Գևորգ Թումանյան
• «Արձակ» անվանակարգ — Նորայր Սարգսյան և Գևորգ Տեր-Գաբրիելյան
• Հատուկ մրցանակ — Արմեն Զախարյան
Փառատոնի կազմակերպիչները շնորհավորում են հաղթողներին և հատուկ շնորհակալություն հայտնում գրական մրցույթի բոլոր մասնակիցներին։
Գրքի երևանյան միջազգային վեցերորդ փառատոնը ՀՀ կրթության, գիտության, մշակույթի և սպորտի նախարարության և «Վերսոպոլիս» կազմակերպության աջակցությամբ 2023 թ. մայիսի 25-27-ը իրականացրել են «Խաչատուր Աբովյանի տուն-թանգարան» ՊՈԱԿ-ը և «Գրքի փառատոն կրթամշակութային» ՀԿ-ն՝ «Գ․ Սունդուկյանի անվան ազգային ակադեմիական թատրոն» ՊՈԱԿ-ի գործընկերությամբ։ Գլխավոր հովանավորը Երևանի քաղաքապետարանն է։
