Երևանի նախկին քաղաքապետ, դերասան Հայկ Մարությանը սեպտեմբերի 19-ին ու 20-ին հանդիսատեսին կներկայանա նոր մոնո-ներկայացմամբ։ Այս մասին նշված է նրա ֆեյսբուքյան էջում՝ կից տեսանյութով։
«Սիրելի հայրենակիցներ: Հանրային գործունեությանը զուգահեռ վերսկսում եմ իմ ստեղծագործական աշխատանքը: Ձեր դատին եմ հանձնում իմ նոր մոնո-ներկայացումը` «Քաղաքապետը»»,–գրել է Մարությանը։
Լրագրողներ-նախկին քաղաքապետ ձևաչափով պատրաստված հումորային անոնսում պատասխանելով հարցին, թե հիմա ինչով է նա զբաղվելու, Մարությանը պատասխանում է.
«Կոնկրետ հիմա դուրս եմ եկել քաղաքական թատրոնից ու ոտ-ոտ գնում եմ դեպի Սունդուկյանի անվան թատրոն»։
