Երկու իրանցի ուսանողներ ծեծի են ենթարկվել և ձերբակալվել ոստիկանության կողմից Ռուսաստանի Կազան քաղաքում, հայտնում է իրանական SNN գործակալությունը։
Միջադեպը տեղի է ունեցել Կազանի դաշնային համալսարանում վիզաների երկարաձգման ժամանակ, երբ ուսանողների միջև ծեծկռտուքի վայր է ժամանել ոստիկանությունը:
Իրանի գլխավոր հյուպատոսությունը բողոքի նոտա է հղել Ռուսաստանի ԱԳՆ-ին «իրանցի ուսանողների նկատմամբ ոստիկանության կոպիտ վերաբերմունքի և տեղի ոստիկանության ոչ պրոֆեսիոնալ միջամտության» կապակցությամբ:
Ավելի ուշ երիտասարդներն ազատ են արձակվել։
