ՀՀ կրթության, գիտության, մշակույթի եւ սպորտի նախարարությունը հաղորդագրություն է տարածել։
«ՀՀ ԿԳՄՍ նախարարությունը վերահաստատում է բոլոր առկա հարցերը քննարկելու պատրաստակամությունը:
«Բարձրագույն կրթության և գիտության մասին» ՀՀ օրենքի նախագիծն աշխատանքային փաստաթուղթ է, առաջիկա օրերին հանրային քննարկման փուլում նախարարի և նախարարության այլ ներկայացուցիչների կողմից հանդիպումներ կլինեն բոլոր շահագրգիռ կողմերի հետ: Հանրությանը հուզող բոլոր թեմաները կքննարկվեն այդ հանդիպումների ընթացքում:
Հանդիպումների օրակարգը շուտով կսահմանվի»,-նշված է հաղորդագրության մեջ:
Հիշեցնենք, որ նոյեմբերի 6-ից բողոքի ակցիաներ են ընթանում՝ նախարար Արայիկ Հարությունյանի հրաժարականի պահանջով։ Երեկ ԵՊՀ-ի բակում ուսանողերը հրապարակավ հանդիպման հրավիրեցին նախարարին՝ ոչ կուլիսային քննարկում ունենալու համար։
Comment here
Դուք պետք է մուտք գործեք՝ մեկնաբանությունը ուղարկելու համար։