Նախարարը կոչ է արել զերծ մնալ զանգվածային ծեսերից

ՀՀ առողջապահության նախարար Արսեն Թորոսյանը կրոնական կազմակերպություններին կոչ է արել զերծ մնալ զանգվածային ծեսերից՝ չեղարկելով դրանք մինչև նոր կորոնավիրուսի համաճարակի վտանգի իսպառ վերացումը։

«Անկեղծ ասած տեղյակ չեմ, թե մեր երկրում գործող կրոնական կազմակերպությունները ինչ որոշումներ ունեն իրենց ծիսակատարությունները շարունակելու կամ դադարեցնելու վերաբերյալ, սակայն ուզում եմ հիշեցնել, որ առնվազն Հարավային Կորեայում և մեր հարևան Իրանում նոր կորոնավիրուսային վարակը իր պայթյունաձև տարածումն է ստացել հենց կրոնական արարողությունների պատճառով։

Հետևաբար, կոչ եմ անում մեր քաղաքացիներին և բոլոր կրոնական կազմակերպություններին զերծ մնալ զանգվածային ծեսերից՝ չեղարկելով դրանք մինչև համաճարակի վտանգի իսպառ վերացումը։

Մարդկանց առողջությունը վեր է ամեն ինչից»,-նշված է նախարարի ֆեյսբուքյան գրառման մեջ։