Մալդիվյան կղզիներում արտակարգ դրություն է հայտարարվել

Մալդիվյան հանրապետությունում արտակարգ դրություն է հայտարարվել առողջապահության ոլորտում՝ նոր կորոնավիրուսի համաճարակի պատճառով, տեղեկացնում է «ՌԻԱ Նովոստին»՝ հղում անելով երկրի առողջապահության հարցերով գործակալությանը։

Արտակարգ դրության ռեժիմն ուժի մեջ է մտնում մարտի 12-ին եւ կգործի 30 օր։

Sun Online պարբերականի տվյալներով՝ Մալդիվներում արձանագրվել է կորոնավիրուսով վարակվելու 8 դեպք։ Բոլոր վարակվածներն օտարերկրացիներ են, որոնք հանգստացել կամ աշխատել են տեղի հանգստավայրերում։

Արտակարգ դրության ժամանակ իշխանությունները կարող են դադարեցնել ուսումնական հաստատությունների աշխատանքը եւ արգելել զանգվածային միջոցառումների անցկացումը։