ԳլխավորԼուրՀեռավար կրթությունՈւսումնառություն Հայաստանում

Մանկավարժական համալսարանն անցնում է առցանց ուսուցման

Հայկական պետական մանկավարժական համալսարանը կորոնավիրուսի տարածման հետևանքով ստեղծված իրավիճակով պայմանավորված` անցնում է առցանց ուսուցման: Այս մասին նշված է ՀՊՄՀ Կրթական գործընթացների կառավարման և բարեփոխումների վարչության «Ֆեյսբուք»-ի էջում:

«Հաշվի առնելով այն, որ այսօր՝ մարտի 13-ին, ֆեյսբուքյան ուղիղ եթերում վարչապետ Նիկոլ Փաշինյանը՝ անդրադառնալով կորոնավիրուսի թեմայով կառավարությունում կայացած արտահերթ նիստին հայտարարեց, որ առնվազն մինչև մարտի 23-ը կրթական հաստատությունների աշխատանքը կդադարեցվի, ՀՊՄՀ կրթական գործընթացների կառավարման վարչությունը ուսումնասիրելով աշխարհի առաջավոր բուհերի փորձը, ինչպես նաև ուսումնական գործընթացում պարապուրդ չունենալու նպատակով առաջարկում է համալսարանի բոլոր ֆակուլտետներին ու ամբիոններին վերակառուցել կրթական գործընթացը և ամբողջությամբ անցնել առցանց, հեռավար ուսուցմանը»,- մասնավորապես նշված է հայտարարությունում:

Մեր տեղեկություններով՝ մասնակիորեն հեռահար ուսուցման է անցնում նաեւ Հայաստանում ֆրանսիական համալսարանը։

 

Comment here