Հայաստանյան մեկ տասնյակից ավել բուհեր 2025 թվականի հունվար-սեպտեմբեր ամիսների 1000 խոշոր հարկ վճարողների ցուցակում են: Usanogh.am-ը ներկայացնում է ամենախոշոր հարկատու բուհերի ցանկը ըստ Պետական եկամուտների կոմիտեի տրամադրած տվյալների:
Առաջատարը Երևանի պետական համալսարանն է. այն նշված ժամանակահատվածում պետությանը վճարել է 1 միլիարդ 736 մլն 154 հազար դրամ՝ հայտնվելով խոշոր հարկատուների ցանկի 103-րդ հորիզոնականում։
Երկրորդ հորիզոնականում Երևանի Հերացու անվան պետական բժշկական համալսարանն է՝ 1 միլիարդ 564 մլն 277 հազար դրամով զբաղեցնելով խոշոր հարկատուների ցանկի 118-րդ հորիզոնականը։
Եռյակը եզրափակում է Հայաստանի Ամերիկյան համալսարանը. այն պետությանը վճարել է 860 հազար 789 դրամ հարկ ու հայտնվել 207-րդ հորիզոնականում:
Հայաստանի ազգային պոլիտեխնիկական համալսարանը վճարել է 637 մլն 657 հազար դրամ (267-րդ տեղ), Ռուս-հայկական (Սլավոնական) համալսարանը՝ 506 միլիոն 523 հազար դրամ (357), իսկ Հայաստանի պետական տնտեսագիտական համալսարանը՝ 441 միլիոն 915 հազար դրամ (397)։
Ճարտարապետության և շինարարության Հայաստանի ազգային համալսարանը 2025 թվականի հունվար-սեպտեմբեր ամիսների համար վճարել է 378 մլն 641 հազար (463), Խաչատուր Աբովյանի անվան հայկական պետական մանկավարժական համալսարանը՝ է 359 մլն 95 հազար (499), Հայաստանի ազգային ագրարային համալսարանը՝ 256 մլն 961 հազար (705) դրամ։
Հայաստանում ֆրանսիական համալսարանը նշված ժամանակահատվածում վճարել է 247 մլն 335 հազար դրամ (735), Բրյուսովի անվան պետական համալսարանը՝ 241 մլն 489 հազար (759), Երևանի «Հայբուսակ» համալսարանը՝ 230 մլն 979 հազար դրամ (797)։
Մեր տելեգրամյան ալիքը՝ t.me/usanoghnews
