Մոնտենեգրոյի Պետրովաց քաղաքում ավարտվել է շախմատի Եվրոպայի 2024 թվականի անհատական առաջնությունը, որի արդյունքներով գրոսմայստեր Ռոբերտ Հովհաննիսյանն աշխարհի գավաթի ուղեգիր է նվաճել՝ 8 միավորով զբաղեցնելով 8-րդ հորիզոնականը, հայտնում են Հայաստանի շախմատի ֆեդերացիայից։
Առաջնության չեմպիոն է դարձել սերբ գրոսմայստեր Ալեքսանդր Ինջիչը՝ 11 հնարավորից վաստակելով 9 միավոր: Բելգիացի գրոսմայստեր Դանիել Դարդհան 8.5 միավորով դարձել է արծաթե մեդալակիր, իսկ Գերմանիայի ներկայացուցիչ Ֆրեդերիկ Սվանեն եզրափակել է լավագույն եռյակը 8 միավորով:
ՖԻԴԵ-ի վարպետ Էրիկ Գասպարյանը վաստակեց 7 միավոր և զբաղեցրեց 2-րդ հորիզոնականը մինչև 18 տարեկանների պայքարում: Էրիկը առաջնության շրջանակներում լրացրեց գրոսմայստերի իր առաջին նորման։
Ներկայացնում ենք Հայաստանը ներկայացնող մյուս շախմատիստների արդյունքները.
Արամ Հակոբյան՝ 7.5 միավոր, Մանուէլ Պետրոսյան՝ 7 միավոր, Էրիկ Գասպարյան՝ 7 միավոր, Շանթ Սարգսյան՝ 7 միավոր, Էմին Օհանյան՝ 6.5 միավոր, Գաբրիել Սարգսյան՝ 6.5 միավոր, Մամիկոն Ղարիբյան՝ 6.5 միավոր, Ռոբերտ Փիլիպոսյան՝ 6 միավոր, Հայկ Երիցյան՝ 6 միավոր, Բենիկ Ագասարով՝ 6 միավոր, Վաչե Հովակիմյան՝ 5.5 միավոր, Դավիթ Գևորգյան՝ 5.5 միավոր, Մանվել Առաքելյան՝ 5.5 միավոր, Կիտի Նադանյան՝ 5 միավոր, Վահան Նալբանդյան՝ 4.5 միավոր, Համլետ Անտոնյան՝ 4.5 միավոր, Հայկ Մաղաքյան՝ 4.5 միավոր, Գագիկ Խաչատրյան՝ 3.5 միավոր:
