Հայկական շախմատի առաջատար, գրոսմայստեր Լևոն Արոնյանը չի մասնակցի աշխարհի գործող չեմպիոն, նորվեգացի Մագնուս Կարլսենի կազմակերպված արագ շախմատի օնլայն մրցաշարին, տեղեկացնում է armsport.am-ը։ Հիշեցնենք, որ մարտի 31-ին կյանքից հեռացավ Արոնյանի կինը՝ Արիանա Կաոիլին:
Ապրիլի 18-ին մեկնարկելիք մրցաշարին, բացի Կարլսենից, կմասնակցեն Յան Նեպոմնյաշչին (Ռուսաստան), Ֆաբիանո Կարուանան, Հիկարու Նակամուրան (երկուսն էլ՝ ԱՄՆ), Դին Լիժենը (Չինաստան), Մաքսիմ Վաշյե-Լագրավը (Ֆրանսիա), Անիշ Գիրին (Նիդերլանդներ) և իրանցի Ալիրեզա Ֆիրուջան:
Աշխարհի 8 լավագույն շախմատիստներից մրցաշարին չեն մասնակցի Ալեքսանդր Գրիշչուկը (Ռուսաստան, 6-րդ հորիզոնական), Լևոն Արոնյանը (7-րդ հորիզոնական) և Ուեսլի Սոն (ԱՄՆ, 8-րդ հորիզոնական):
Մրցաշարը կտևի ավելի քան 2 շաբաթ:
Մրցանակային ֆոնդը 250 հազար դոլար է, հաղթողը կստանա 70 հազար դոլար:
Comment here
Դուք պետք է մուտք գործեք՝ մեկնաբանությունը ուղարկելու համար։