Սիրիան մնացել է առանց էլեկտրաէներգիայի

Սիրիայում պայթուն է տեղի ունեցել Արաբական գազատարի վրա՝ Դումայրա եւ Ադրի շրջանների միջեւ, որի պատճառով ընդհատվել է էլեկտրաէներգիայի մատակարարումն ամբողջ երկրում։ Այս մասին տեղեկացնում է «ՌԻԱ Նովոստին»՝ հղում անելով Սիրիայի պետական հեռուստաընկերությանը։

Նավթի եւ հանքային պաշարների նախարար Ալի Գանեմը չի բացառել, որ երկրի հարավային շրջանները սնուցող գազատարի պայթյունն ահաբեկչական ակտ է եղել։

Շարքից դուրս է եկել երեք կայան, ընթանում են վերանորոգման աշխատանքներ։

Էլեկտրամատակարարումն աստիճանաբար վերականգնվում է՝ սկսելով մայրաքաղաք Դամասկոսից եւ աստիճանաբար ընդգրկելով երկրի մյուս շրջանները։՚