Գերմանացի ուսանողին մեղադրանք է առաջադրվել Սիդնեյի թանգարան ներխուժելու համար

Ավստրալիայի ոստիկանությունը մայիսի 18-ին մեղադրանք է առաջադրել գերմանացի ուսանողին այն բանի համար, որ նա ներխուժել է Սիդնեյի թանգարան, քանի որ անվտանգության ծառայության տեսանյութում երեւում է, թե նա ինչպես է սելֆի անում դինոզավրի ցուցանմուշի հետ, տեղեկացնում է «Գարդիանը»։

Նոր Հարավային Ուելսի ոստիկանությունը տեղեկացրել է, որ Պոլ Կունը մայիսի 10-ին՝ կեսգիշերն անց ներխուժել է թանգարան եւ 40 րոպե անցկացրել այնտեղ։

«Նա մի քանի սելֆի է արել, ինչպես նաեւ հափշտակել է պատից կախված մի գլխարկ եւ նկար եւ հեռացել»,-լրագրողներին հայտնել է Նոր Հարավային Ուելսի ոստիկանության գլխավոր տեսուչը։

25-ամյա ուսանողն այսօր ներկայացել է դատարան, որտեղ նրան կովբոյական գլխարկ եւ արվեստի նմուշ գողանալու մեղադրանք է առաջադրվել։

Երիտասարդը գրավի դիմաց ազատ է արձակվել՝ պայմանով, որ կհանձնի անձնագիրը եւ կպահպանի պարետային ժամի կանոնները։

Սիդնեյի թանգարանը հնագույնն է երկրում։ Վերանորոգման աշխատանքների պատճառով այն փակ է այցելուների համար 2019-ի օգոստոսից։

Հավելենք, որ այսօր Թանգարանների միջազգային օրն է։