Բժշկական բուհի հնդիկ ուսանողները նշեցին իրենց ամենահայտնի տոներից մեկը՝ Հոլին կամ Գույների փառատոնը, տեղեկանում ենք ԵՊԲՀ-ի ֆեյսբուքյան էջից։
Միջոցառմանը ներկա էին Օտարերկրացիների ուսուցման դեկանատի ղեկավար, դեկան Գայանե Ավետիսյանը, փոխդեկան, Կարիերայի կենտրոնի ղեկավար Խաչատուր Մարգարյանը, Օտարերկրացի ուսանողների հետ տարվող աշխատանքների բաժնի պետ Ռահուլ Անիլ Սետհին։
Տոնը խորհրդանշում է գարնանամուտը, ինչպես նաև բարու հաղթանակը չարի կամ ջերմության հաղթանակը սառնության նկատմամբ։
Տոնը շատ նման է մեր հայկական ավանդական Վարդավառին։ Այն տոնվում է ինչպես Հնդկաստանի բնակիչների կողմից, այնպես էլ ամբողջ աշխարհում՝ ի նշան ազատության ու կապանքներից ձերբազատման։
Հոլին ունի 2000 տարուց ավելի պատմություն եւ սովորաբար նշվում է երկու օր՝ փետրվարի վերջին ու մարտի սկզբին՝ նորալուսնի ժամանակ։
