Արցախյան պատերազմ-2020ԳլխավորԼուր

Տարածված լուսանկարի հերոս ուսանողը զոհվել է

զինվոր, բանակ, արցախյան պատերազմ

«Ալբերտ Հովհաննիսյանը Ռուս-հայկական համալսարանի «Քաղաքագիտություն» ֆակուլտետի առաջի կուրսի ուսանող էր։

Հերոսաբար զոհվել է Արցախյան ռազմաճակատում»,-նշված է բուհի ֆեյսբուքյան էջում։

Որդու մասին գրառում է կատարել նաեւ Ալբերտի հայրը։

«Իմ որդին՝ Ալբերտ Հովհաննիսյանը, ում լուսանկարն այս օրերին լայն տարածում գտավ ողջ աշխարհում և հարազատ դարձավ շատերիդ համար, անմահացավ: Անչափելի ու անհատակ է իմ ու իմ ընտանիքի ցավը:

Օրեր շարունակ նրանից որևէ տեղեկություն չունեինք, բայց շատերդ մեր ընտանիքի հետ էիք՝ ձեր ներկայությամբ, խոսքով, աղոթքներով, բայց … այլ բան էր կանխորոշված:

Կոկորդս խեղդող արցունքների միջից ուզում եմ խնդրել, որ բոլորիդ հիշողություններում Ալբերտը մնա հավերժ երիտասարդ, անսահման լավատես, չափազանց հայրենասեր, ով մեծ երազանքներ ու շատ անելիքներ ուներ և ում մեծագույն սերը Հայրենիքն էր:

Վիշտս ծանր է ու մեծ, բայց հպարտությունս ավելի մեծ է, որ հայրենասեր հայի, մերօրյա իրական Հերոսի հայրն եմ: Գիտակցում եմ՝ իմ Ալբերտը միայն իմ Հերոսը չի, նա բոլորիս Հերոսն է, նաև ներկա ու ապագա սերունդների Հերոս հայի օրինակ, ով իր հերոս նախնիների ճամփան բռնեց և անմահացավ…

Փա՛ռք մեր հերոսներին»։

Comment here