ՀՀ կրթության, գիտության, մշակույթի և սպորտի նախարարությունը 2022 թվականին մանկավարժների աշխատավարձի տարեկան ֆոնդը շուրջ 350 մլն դրամով ավելի է հաշվարկել։ Այս մասին ՀՀ ԿԳՄՍ նախարարության 2022 թվականի պետական բյուջեի տարեկան կատարման ֆինանսական և համապատասխանության հաշվեքննության արդյունքների հիման վրա կազմված ընթացիկ եզրակացությունը ներկայացնելիս ասաց Հաշվեքննիչ պալատի անդամ Գագիկ Բարսեղյանը։
«Նախարարությանը` որպես բյուջետային հակտացումների ստորադաս կարգադրիչի, բյուջետային ծրագրերի իրականացման համար տարեկան բյուջեով նախատեսվել էր հատկացնել 88 մլրդ դրամ։ Ճշտված պլանը կազմել է 80.8 մլրդ դրամ, իսկ փաստացի ֆինանսավորումը` 77.8 մլրդ դրամ։ Կատարողականը կազմել է 96 տոկոս»,–նշեց Բարսեղյանը։
Մեկ այլ անհամապատասխանություն էլ արձանագրվել է «Բարձրագույն և հետբուհական մասնագիտական կրթություն» ծրագրում ներառված բարձրագույն մասնագիտական կրթության գծով ուսանողական նպաստների տրամադրման գործընթացում։ Բարսեղյանը շեշտեց, որ բակալավրում և մագիստրատուրայում անվճար հիմունքներով սովորող ուսանողների թվի միջև բուհերի և նախարարության ներկայացրած տվյալներում շեղում է արձանագրվել մինչև 24 ուսանողի հաշվարկով։
Բարձրագույն մասնագիտական կրթության գծով ուսանողական նպաստների տրամադրման շրջանակում արձանագրվել է նաև, որ 4 հաստատությունում հաշվարկային թվեր սահմանված չեն եղել։
Մանրամասները՝ տեսանյութում։
