ՀՀ ԿԳՄՍ նախարարություն Պահպանության ծառայություն ՊՈԱԿ-ը առաջարկում է «շրջել» Հայաստանի մարզերով, բացահայտել ու ճանաչել գուցե ոչ այնքան հայտնի, բայց և հրաշակերտ, դարերի պատմություն ունեցող արժեքավոր մեր հուշարձանները։
Բարձրաքաշ Սուրբ Գրիգորի վանք. գտնվում է Լոռու մարզում, Դսեղ գյուղից 2 կմ հյուսիս-արևելք։ Միջնադարյան (X-XIII դդ.) վանական համալիր է: Հիմնական հուշարձանախումբը բաղկացած է իրար կից երկու եկեղեցիներից և գավթից, որից հարավ գտնվում են համալիրի մյուս կառույցները` Ս. Հարություն մատուռը («Ագռավիտապան»), Մամիկոնյանների տոհմական գերեզմանատունը, ձիթհանը:
Ձորում գտնվում է վանքապատկան կամուրջը:
Սուրբ Գրիգոր եկեղեցին համալիրի պահպանված հուշարձաններից հնագույնն է, որը թվագրվում է մոտավորապես X դ.:
Մեր տելեգրամյան ալիքը՝ t.me/usanoghnews
