Ոսկեվազի գինու գործարանի տարածքում անցկացվել է Երևանի Ալ. Շիրվանզադեի անվան թիվ 21 հիմնական դպրոցի 9-րդ Ա դասարանի աշակերտների մշակութային Վերջին զանգը «Արքայապատում» թատերական ներկայացումով:
Դպրոցի տնօրեն Արուսյակ Բաղդասարյանի խոսքով՝ արձագանքելով մշակութային կրթության տարի անցկացնելու ԿԳՄՍ նախարարության հայտարարությանը՝ դպրոցը որոշել է ավանդական Վերջին զանգի փոխարեն հանդես գալնախագծային աշխատանքով.
«Գաղափարը շատ արագ դարձրեցինք գործողություն. աշակերտների հետ սկսեցինք հայ ժողովրդի պատմության 4 արքայատների փառավոր էջերը ներկայացնող «Արքայապատում» թատերական ներկայացման ստեղծման աշխատանքը»:
Դպրոցի տնօրենը շնորհակալություն է հայտնել ՀՀ ԿԳՄՍ նախարարությանը, բոլոր գործընկեր կառույցներին, ինչպես նաև Ոսկեվազի գինու գործարանի տնօրինությանը՝ նախագիծը տպավորիչ և հետաքրքիր միջավայրում իրականացնելու հնարավորության համար:
Մեր տելեգրամյան ալիքը՝ t.me/usanoghnews
