Վրաստանում այս տարի միասնական ազգային քննությունները հաջողությամբ հանձնել և ուսանող է դարձել 34 հազար 843 դիմորդ, հայտնում է «Ալիք Մեդիան»։
Մոտ 10 հազար դիմորդ չի կարողացել հաղթահարել շեմը, իսկ քննություններին գրանցվել է մոտ 45 հազար դիմորդ։ Քննություններին մասնակցությունը կազմել է 94 տոկոս:
«1+4» ծրագրի համար հանձնվող Ընդհանուր ունակությունների քննությունը 3175 դիմորդից հաղթահարել է 2113-ը։ Հայազգի դիմորդներից, որոնց ընդհանուր թիվը կազմում է 602-ը, անցողիկ շեմը հաղթահարել է 75 տոկոսը՝ 456 դիմորդ։
Հիշեցնենք, որ այս տարի Հայաստանի բուհերն ունեցել են 14300 դիմորդ, ընդունվել է 9729-ը։
