Մրցույթ՝ Մեծ Բրիտանիայի Կիլի համալսարանում սովորելու համար

Էրազմուս+ կրեդիտային շարժունության ծրագրի շրջանակներում ՀՊՄՀ-ն հայտարարում է մրցույթ 2021-2022 ուս. տարում Կիլի համալսարանում սովորելու համար /Մեծ Բրիտանիա/:

Ֆինանսավորում.
Ֆինանսավորումը կատարվում է ըստ Էրազմուս+ կրեդիտային շարժունության ծրագրի պայմանների: Ուսանողներին տրամադրվում է ամսական 900 եվրո դրամաշնորհ, ինչպես նաև 530 եվրո ճանապարհածախսը հոգալու համար:

Իրավասության չափանիշերը.

Դիմողը՝

— պետք է լինի պատմության և իրավագիտության ֆակուլտետի պատմություն կամ հասարակագիտության մասնագիտության բակալավրի 3-րդ կուրսի կամ մագիստրատուրայի 1-ին կուրսի ուսանող կամ մաթեմատիկայի, ֆիզիկայի և ինֆորմատիկայի ֆակուլտետի մաթեմատիկա կամ ինֆորմատիկա մասնագիտության մագիստրատուրայի 1-ին կուրսի ուսանող կամ մաթեմատիկայի և դրա դասավանդման մեթոդիկայի կամ ինֆորմատիկայի և դրա դասավանդման մեթոդիկայի ամբիոնի ասպիրանտ/հայցորդ

— պետք է տիրապետի անգլերեն լեզվին՝ Լեզուների եվրոպական շրջանակի B2* մակարդակին համապատասխան

Մրցույթին մասնակցելու համար անհրաժեշտ է առցանց լրացնել դիմումը անցնելով հետևյալ հղումով։

Առցանց դիմումին անհրաժեշտ է կցել`

— առաջադիմության մասին տեղեկանքը /ՄՈԳ/

— Դիմելու վերջնաժամկետը հոկտեմբերի 17-ն է:

Հայտարարության վերջնաժամկետի ավարտից հետո միջազգային համագործակցության բաժինը կկապվի ձեզ հետ /հեռախոսով կամ էլեկտրոնային նամակի միջոցով/ տեղեկացնելով մրցույթի անցկացման օրը և ժամը:

Մրցույթը հաղթահարած ուսանողների վերաբերյալ ամբողջական տեղեկատվությունը ուղարկվում է ընդունող համալսարան: Վերջնական ընտրությունը կատարվելու է ընդունող համալսարանում:

Լրացուցիչ տեղեկությունների համար կարող եք նամակ հղել հետևյալ էլեկտրոնային հասցեին՝ interdep@aspu.am:

*B2 — այս մակարդակում կարող եք հասկանալ որոշակի և աբստրակտ թեմաներ՝ ներառյալ ձեր մասնագիտական ոլորտին վերաբերող տեխնիկական տեքստեր: Կարող եք հեշտությամբ հաղորդակցվել տվյալ լեզուն կրողների հետ: Կարող եք հստակ և մանրակրկիտ արտահայտել Ձեր միտքը լայն թեմաների շուրջ և ներկայացնել ձեր տեսակետը որոշակի թեմայի առավելությունների և թերությունների մասին: