Իտալիայի մաքսային ոստիկանությունը Ջոյա Տաուրո նավահանգստում 2 տոննա 734 կգ բարձր մաքրության կոկաին է հայտնաբերել, հաղորդում է իտալական ANSA գործակալությունը։
Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։
Գործողության ընթացքում ոստիկաններին հաջողվել է մի քանի հազարից առանձնացնել երկու կասկածելի կոնտեյներ, որոնցով, ըստ փաստաթղթերի, արևադարձային մրգեր էին տանում Հայաստան։
Թմրամիջոցների խմբաքանակի ընդհանուր արժեքը գնահատվել է ավելի քան 800 մլն եվրո։
