Հայտնի ֆուտբոլային գործակալ Մինո Ռայոլան հերքել է իր մահվան մասին լուրերը։ Այս մասին նա գրել է Twitter-ի իր միկրոբլոգում:
«Ընթացիկ առողջական վիճակս հետաքրքրվողների համար. կատաղած եմ, որ նրանք ինձ չորս ամսվա ընթացքում արդեն երկրորդ անգամ սպանում են։ Կարծես թե ես ի վիճակի եմ հարություն առնել»,-ասվում է գործակալի թվիթերյան օգտահաշվում տարածված հաղորդագրության մեջ։
Current health status for the ones wondering: pissed off second time in 4 months they kill me. Seem also able to ressuscitate.
— Mino Raiola (@MinoRaiola) April 28, 2022
Ավելի վաղ համաշխարհային ԶԼՄ-ները հայտնել էին, որ ֆուտբոլային գործակալ Մինո Ռայոլան մահացել է 54 տարեկան հասակում:
Հունվարին լրատվամիջոցները հայտնել էին, որ Ռայոլան վերակենդանացման բաժանմունքում է։ Պարբերականի տեղեկություններով՝ նա թոքերի հետ կապված խնդիրներ ուներ և բժիշկների հսկողության տակ էր գտնվում Միլանի «Սան Ռաֆաելե» հիվանդանոցում:
***
01.05.2022- Ապրիլի 30-ին պաշտոնական հաղորդագրություն տարածվեց, որ գործակալն, այնուամենայնիվ, մահացել է։